وكـل يـوم و أنـت تقـول بازيـن بعديـن

عدد المساهمات : 10 العمر : 44

كـل يـوم تبعـد لـك عـن القلـب ميليـن
وكــل يــوم وتـزيـد التعـاسـة تعـاسـه

وكل يـوم و أعاملـك باللطـف والليـن
و وأنــتَ تعاملـنـي بعـنـف و نحـاسـه

وكل يـوم وأنـت تعكـر المـاء بالطيـن
والمشكلة ! نشرب سوى من نجاسه

وكل يوم و أزرع لك شجر بالبساتين
أزرع ! وحطابـك يـجـي مـعـه فـاسـه

وكل يوم و أشري لك أمل لـو بالديـن
وتوطى الأمل مـن قـو قلبـك و باسـه

وكـل يـوم و أنـت تقـول بازيـن بعديـن
وبعـديـن ! عـيـا لا يـجـيـب الـونـاسـه

وكـل يـوم تثبـت بالحجـج والبراهـيـن
إنـك خطـا عمـري و أصــل انتكـاسـه

مدري الخلل من أصل تركيبة الجيـن
وإلا .. بـفـعـل الـتـربـيـة والــدراســه

حيرتنـي بالـحـب و أسلـوبـك الشـيـن
وشلون تجمع بين حـب و شراسـه ؟

لو أنت صـادق جيـت باسلـوك الزيـن
و ضحيت مـن أجلـي بوقتـك و ناسـه

مثلـي أنـا ضحـيـت بـالـروح والعـيـن
وبدمعـتـي و أشـيــاء أكـثــر نـفـاسـه

عجـزت أعــدل وضعـنـا بينـنـا البـيـن
مــا فـادنـي فـكــري وقـــو الـفـراسـه

خـلاص يكفـي عتـاب أرجـوك تكفيـن
مــا عــاد فيـنـي حـيـل لأيــة سيـاسـه

تعبـاان أبغـى أرتـاح لـو بـس يوميـن
وأشرب من أنهار السعد نص كاسـه

برمي سلاحي وأنسحب عنك هالحين
متـنـازلٍ عـــن حـبـنـا مـــن أسـاســه

اعتـبـري إنــي حـلـم باللـيـل شفـتـيـن
وفي عز حلمك .. مذن الفجـر حاسـه