لا تتركني مثل قصة بلا عنوان

طلبتك لا تخليني .. مثل قصه بلا عنوان

حزينه وارتجي شوفك .. حبيبي لا تعنيني

انا مالي سوا ربي يصبرني على الحرمان

ابدعي له بسجداتي بصبره هو يداويني

الا مني تذكرتك سهى فكري وهو حيران

أجر الآه والزفرات وعبراتي تواسيني

وتسري رعشة أطرافي مثل ميت وهو غرقان

قبل موتي ابي ادفا.. ابي ايديك في ايديني

دفا قلبي دفا روحي.. بهمسة صوت من ولهان

ابيها لو كذب منّك عسى روحي ترد فيني

تصدق ... كل هالعالم بكل مافيه من أحزان

مايسوى شي ياعمري بلحظه حزن تحويني

تذكر قصتي وياك.. تذكرني بعض احيان

لاني مستحيل أنساك وانته حاضر اسنيني